Seba ke nêeşkayo ameyeyê stadî bido, dest nîya serê ameyanê Amedsporî ser
Mudirîya Ciwanîye û Sporî ya Bajarî ya Amedî bi îddîaya ke kîraya maçanê Stadyumê Amedî nêdaya, bi rayîrê îcrayî dest na serê ameyeyê Amedsporî ser. Amedsporî eşkerayîyêka nuştekîye weşanaye û va: “Tu bajarêkê bîn de çîyêko winayên çin o ke Mudirîya Ciwanîye û Sporî dest nana serê ameyanê kluban.” AMED
