Dest ronîya pasaportê rojnameger Hasan Cemalî ser û vejîyayîşê ci yê teberê welatî ame qedexekerdene
Polîsan teyaregehê Stenbolî de dest ronayî pasaportê rojnameger Hasan Cemalî ser û vejîyayîşê ci yê teberê welatî ame qedexekerdene. Wexto ke rojnameger Hasan Cemalî waşt ke şêro Berlîn serê sibayî şî Teyaregehê Stenbolî û musa ke dest ronîyayo pasaportê ci ser. Goreyê xebera T-24î polîsan teyaregeh de dest ronayî pasaportê Hasan Cemalî ser û teblîgato ke qedexeyê vejîyayîşê teberê welatî ke 11ê Teşrîna Peyêna 2019î de ameyo vetene, dayî ci. STENBOL
