Şervanên HSD’ê li Serêkaniyê berxwedaneke destanî dimeşînin. Hat zanîn ku di encama berxwedana îro de 2 erebeyên doçkabarkirî û 7 panzêr hatin rûxandin û 78 leşker û çete hatin kuştin û 19 jî birîndar bûn
Artêşa tirk a dagirker û çeteyên wê êrîşên xwe yên li ser bajarê Serêkaniyê û gundewarên wê didomînin. Artêşa dagirker hewl dida ji sê aliyan ve derbasî bajêr bibe. Li şervanên Hêzên Sûriyeya Demokratîk (HSD) berxwedaneke dîrokî dimeşîne û nahêle ku hêzên dagirker bikevin bajar.
Hêzên dagirker îro jî gelek caran xwe ceribandin ku bikevin navenda bajar. Lê her carê jî rastî bersivên tund ên şervanan hatin û derbên mirinê xwarin. Li gorî agahiyên ji çavkaniyên leşkerî yên Serêkaniyê, îro li derdora bajêr derbên giran li dagirkeran hatin xistin û di encamê de 2 erebeyên doçkabarkirî û 7 panzêr hatin teqandin. Şervanan ragihand ku bi giştî şerê îro de 78 çete û leşkerên tirk ên dagirker hatin kuştin û 19 jî birîndar bûn.
Şer û pevçûnên di navbera şervanên HSD’ê û komikên dagirker de bi hemû dijwariya xwe didome. SERÊKANIYÊ
