Lijneya Rêveber a Navenda Partiya Demokratîk a Gelan (HDP), têkildarî 40’emîn darbeya leşkerî ya 12’yê Îlonê daxuyaniyek nivîskî weşand. HDP’ê diyar kir ku ligel bi ser darbeyê re 40 sal derbas bûne jî, bandora wê hîna jî dewam dike û got ku darbeya 12’yê Îlonê îro bi rengekî hê girantir didome.
HDP’ê bi berdewamî bal kişande ser destgîrkirina bi sed hezaran mirov, girtin, sirgûn, îdam, kiryarên nediyar, înfazên bêdaraz, bêadelatiya li ser kurd, elewî, jin, kedkaran, gavên der hiqûq, desteserkirina mafên karkeran, bêsendîka hiştin, desteserkirina mafê rêxistin, civîn û xwepêşandenan, binpêkirina azadiya raman, derbirîn û agahdarkirinê û da zanîn ku ji aliye tehrîbata ku ava kirî neynika rêveberiya AKP-MHP’ê ya niha ye.
Bi berdewamî hat destnîşankirin ku xewn û xeyala generalên darbekar ji hêla desthilata AKP-MHP’ê ve tê birêvbirin û wiha hat gotin: “Pergala Hikûmeta Serokkomariyê, bûye rejîma darbeya leşkerî, faşîzm û daxwazên dîktatorî, di serî de li ser gelê kurd, li ser civaka Tirkiyeyê, elewiyan, jinan û kedkaran tê ferzkirin. Ji vî alî ve desthilata AKP-MHP’ê ruh û aqilê darbeya 12’yê Îlonê didomîne.”
Her wiha HDP’ê dagirkirina şaredarên kurd, girtina parlamenteran, rakirina hiqûq, demokrasî, mafê mirovan, di yek destî de kombûna qanûn, rêveberin û darazê bi bîr xist û wiha bi dawî kir: “Nîşaneya hişmendiya darbeyê û hevkariya bi hişmendiya darbekeran re ye. 12’yê Îlonê ne tenê navê darbeyekê ye, her wiha duh û îro navê hişmendiya lêgerîna li rêveberiya otorîter e.” ENQERE
