3 gerîlayê HPGyî 7ê gulane de çolterê Korê yê Semsûrî de netîceyê hêrişêk hewayî de cuya xo vindî kerdî. Cenazeyê Zeynel Alakuş û Gafarî Yorulmazî ameyî definkerdene. Keyeyê HPGyijan vizêr Dezgeyê Tibê Edlî (ATK) yê Meletî ra cenazeyan girewtî. Seba ke şaredarî wesayîtê cenaze nêdaye keyeyan, keyeyî Amed de fîrmayêk ra wesayîtê cenazeyî temîn kerdî û cenazeyan berdî Semsûr.
Cenazeyê Alakuşî dewa Tolmez û cenazeyê Yorulmazî zî dewa Gomikî ke pabesteyê merkezê Semsûrî yo de ameyî definkerdene. Leşkeran tena destûr da 5 kesan ke tewrê merasîmê definkerdişî bibî û destûr nêdayî ke cenaze bêrî şitiş. SEMSÛR
