Dewa Kakberî ya qezaya Pulirî ya Dêrsimî serra 1994î de hetê dewleta tirke ra amebî vengkerdene. Dewijan 2020 ra dima newe ra dewe de ca da xo. La rixmê hende muracatn zî dewe de meseleyê rayîr, ceyranî û awe nênê çareserkerdene.
Dewijan derheqê babete de PÎRHA rê qisey kerd.
Îrfan Guzî pare kerd ke înan dewe de newe ra keyeyê xo viraşto û vat: “Ma mîyanê şertanê zehmetan de keyeyê xo viraşt. Dewlete qetî çîyêk nêkerd. Na seserre de awa ma çin a, ceyran çin o û kanalê awkerdişî girewte yê.”
Gulîzare Gurz vat: “Ez nêweşa tansîyonî ya. La rayîrê ma çin o ez şora nêweşxaneyî. Awa ma zî çin a. Ma 30 deqayan şinê, awe gênê û pê na awe îhtîyacanê xo peyda kenê.”
Fadîme Aslan vat: “Dewe de meseleyî zaf ê. Hînî ma kiriştişê awe ra zaf qefilîyayê. Ma zaf zehmetî ancenê.”
Mesut Aslanî vat: “Meseleyê ma yê cidîyî aw, ceyran û rayîr ê. Heta nika na dewe rê qetî xizmetêk zî nêame kerdene.” DÊRSIM
