Roniştişê dewaya parlamentera HDPyî ya verên Gulser Yildirime ke tepişte yena muhakemekerdene, reyna ameye taloqkerdene
Parlamentera Partîya Demokratîke ya Şaran (HDP) ya verên Gulser Yildirime qiseykerdişê xo yê serra 2012 û 2016î vera yena muhakemekerdene. Roniştişê dewaya Yildirima ke tepişte yena muhakemekerdene, 3. Mehkemaya Cezaya Girane ya Mêrdînî de ameye vînayene. Roniştişê dewaye de avûkat û keyeyê Yildirime hadre bî.
Yildirime Zîndanê Tîpa Fyî yê Kandira ra bi rayîrê SEGBÎSî tewrê roniştişê dewaye bîye. Yildirime dîyar kerde ke badê dosyayê aye bikerî yew do pawitişê xo bikera û waşte ke dewayê ke sewbîna bajaran de derheqê aye de ameyî akerdene zî bikirişîyî Mêrdîn.
Badê ke avûkatê Yildirime pawitiş kerdî, maben dîya roniştişê dewaye.
Badê qedîyayîşê mabenî heyetê mehkema roniştiş taloqê 1ê Nîsane kerd. MÊRDÎN
