Roniştişî yewendesî yê dewaya qetilkerdişê Tahîr Elçîyî Mehkemeya Cezaya Girane ya Amedî de dest pêkerd. Wina pawîyeno ke nê roniştişî de bire bêra dayene.
Cinîya Elçîyî Turkane Elçî, Serekê Yewîya Baroyan a Tirkîya (TBB) Erînç Sagkan, xeylêk serekê baroyan, avûkatê OHD û ÎHDyî, Hemserekê DBPyî Keskîn Bayindir, Vervatoxa DEM Partî Ayşegul Dogane zî tede xeylêk kesî roniştişî teqîb kenê.
Dewa de polîsî Sînan Tabur, Fuat Tan û Mesut Sevgî sûcê ”qestî ra bîyê sebebê mergî” ra yenê muhakemekerdene. Dosya de yeno waştene ke versûco fîrarî Ugur Yakişir ”kişîyayîşê polîsan û xerakerdişê yewîya dewlete” ra bêrê cezakerdene.
Polîsê kiştoxî bi rayîrê SEGBÎSî tewrê mehkeme bîyî.
Roniştişê dewaya qetilkerdişê Tahîr Elçîyî de dozgerî ancî waşt ke polîsê kiştoxî wa berat bikerê.
