Bado ke canazaya kesêkê yeno îdîakerdene ke rîyê krîzê zerrî ra vefat kerdo dewa Keçelanî ya qezaya Tatosî ya Erziromî de ameye definkerdene janê Korona vejîya werte.
Dewa ke gerîyaye binê karantîna de 70yî zafêr kesî nêweşxane de gerîyayî binê tedawî. Yeno vatene ke dewe de jan 19ê nîsane de vejîya werte û a roja ra nata dewe binê karantîna de ya la derheqê naye de eşekrayîya fermîye hema nêameya dayene.
Hemserekê Partîya Demokratîke ya Şaran (HDP) yê qeza Boran Bîngolo ke dewe de ciwîyeno ard ziwan ke humara nêweşan êyê ke nêweşxane de yê ra zafêr a. Bîngolî vat:” Dewijêkê ma yo ke aşmanê zimistanî de Riha de meşnayanê xo weye keno semedê veyveyêk şino Îstanbul û bado ke agêrano Riha de vefat keno. Raporê mergê ci de yeno vatene ke krîzê zerrî. Cenaza ameye dewe ez zî tede heme dewijî tewrê cenaza bîyî û heme kesê ke tewrê cenaza bîyî semptomê vîrusê Korona tede vejîyayî. 19ê nîsane de janî dest pêkerd û çend şi hûmare zêdîyaye. Her roje ambulansê ke yenê dewe qet quweş mesafeyo fîzîkî ya nêkewenê û 3-4 nêweşan pê eynî ambulans benê Erzirom. Dewe de qet xebatê dezenfekte nêameye kerdene û 10 rojî yo dewijan rê têna maskeyî ameyî vilakerdene.” ERZIROM
