Di dawiya meha mijdara 2022’yan ve li gelek bajarên Îran û rojhilatê Kurdistanê bi gazên jehrî êrîşê ser dibistanên jinan tên kirin. Li gor daneyan heta niha zêdetirî hezar xwendekarên keç jehrî bûne û rakirine nexweşxaneyan.
Heta niha li parêzgehên Kirmaşan, Urmiye, Sine, Îlam ên Rojhilatê Kurdistanê her wiha bajarên Heftekelî, Xuzistan, Tehran, Sefadeşt, Şehiryar, Perend, Kiwar, Qum, Kerec, Lahîcan, Reşt, Hemedan, Kebûderaheng, Tebrîz, Semîrûm, Kaşan, Zencan, Bicnurd, Esfehan, Birûcêrd û çend bajarek din ên Îranê bi sedan xwendekarên jin ber gazên jehrî ketine û wan rakirine nexweşxaneyan.
Têkildarî kîmyewiyên ku hatine bikaranîn jî agahiyên zelal nehatine bidestixistin.Di encama êrîşên kîmyewî de zaroka bi navê Karîn Alamdarî jî di nav de 4 zarok hatin qetilikirin.
Xelkê Mahabadê nerazîbûn nîşanî jehrîbûna ku di demên dawî de li dibistanan zêde bûne, da û dest bi çalakiyan kir. Xelkê barîkat danîn û agir vêxistin û banga zêdekirina çalakiyan kir.
Li navçeya Gogtepe ya Mahabadê piştî xwendevanên Dibistana jinan a Sabayê bi jehrîn bûn, gelek dibistanan biryar dan ku li dibistanê saetekê zû dersên xwe biqedînin.
Çalakvanên Îran û rojhilatê Kurdistanê dibêjin, êrîş tolhilanîna ji jinane û li pişt êrîşê desthilat bi xwe heye.
Duh derbarê êrîşan de Komeleya Ciwanên Rojhilatê Kurdistan bi daxuyaniyekê ragihand ku jehrîkirina xwendevanên jin ku pêşengiyê ji serhildana ‘Jin, Jiyan, Azadî’ re kirine, êrîşên bi çekên kîmyewî, çandek faşîstane û zilamsalarî ya ku bi Hîtler û Sedam destpêkir, niha jî bi Erdogan û Xamaney re dewam dike ye.”
KCR’ê bang li ciwan û malbatên xwendevanan kir ku li dijî êrîşan bêdeng nemînin û bi hevre dakevin kolanan.
