Goreyê xebera Torra Heqanê Merdiman a Kurdîstanî vizêr dewleta Îranî Zîndanê Erdebêlî de kurdê bi nameyê Îrec Pakî darde kerdo.
Ame parekerdene ke Pakî 18ê sibate de ameyo berdene bi hucreyê yewkesî û vizêr zî ameyo dardekerdene.
Goreyê agahîyanê ke ameyê parekerdene Pakî (38) dewa Stunreşî ya qezaya Selmasî ya şaristanê Ûrmîye ya Rojhelatê Kurdîstanî ra yo.
Goreyê Rêxistina Heqanê Merdiman dewleta Îranî 2024 de tewr tay 80 kesî darde kerdê ke zafê înan kurdî bîyê. Mîyanê nînan de di kesî zî cinîyî bîyî. Rêxistine pê hesna ke 2023 de tewr tay 740 kesî, 2010 de zî 7090 kesî Îran de ameybî dardekerdene.
