Dewleta tirk a dagirker li ber çavên cîhanê êrîşî ser gelê kurd dike û komkujiyan pêk tîne. Dewleta a dagirker ji 23’yê cotmehê ve êrîşên xwe yên li ser Bakur û Rojhilatê Sûriyeyê û Şengalê zêdetir kirine. Di êrîşên dewleta tirk a dagirker de nêzî 30 şehîd û nêzî 100 kes birîndar bûn.
Têkildarî êrîşan hevseroka Meclisa Kantona Efrîn û Şehbayê Melek El Hisên axivî. Melek El Hisên diyar kir ku ji 23’yê mehê ve dewleta tirk a dagirker êrîş dike û binesaziya herêmê dike hedef û wiha axivî: “Armanca dewleta tirk ji van êrîşan têkbirina projeya Rêveberiya Xweser e, ewlehiya li herêmê ye û dagirkirina xaka Rojava ye.”
Melek diyar kir ku kantona Efrîn û Şehbayê di dorpêçeke giran de ye û dewleta tirk jî êrişî malên sivîlan dike. Melekê axaftina xwe wiha domand: “Rêxistinên heyî, Rûs û hemû rexistinên naveneteweyî di bêdengiya xwe de dimînin. Sûcên şer ên dewleta tirk ên li Bakur û Rojhilatê Sûriyeyê, dive hesab jê bê xwestin. Eger pêşî li van êrîşan neyê girtin, metirsiya zîndinkirina DAIŞ’ê heye. Em ê li hemberî dagirkeriyê berxwedana xwe xurttir bikin da ku em bikarin destkeftiyên şoreşa xwe biparêzin.”
