Li Kirşehîrê Berzan Ozdemîr ji ber ku tîşortê ala Rêveberiya Herêma Federal a Kurdistanê li ser li xwe kir, wî lînc kirin û her wiha bi îdiaya ‘Propagandaya rêxistinê kirine’ doz li Ozdemîr û li du xizmên wî vekirin
Ala Rêveberiya Herêma Federal a Kurdistanê dema ku Mesut Barzanî dihat serdana Tirkiyeyê û di merasîma fermî de hildidan jor, heman al îro wek ‘nîşaneya rêxistina terorê’ hat dîtin.
Welatiyê bi navê Berzan Ozdemîr di 20’ê mijdara 2018’an de ji bo bixebite ji Amedê çû Kirşehîrê. Ji ber ku Ozdemîr tîşortê ala Herêma Federal a Kurdistanê li ser li xwe kiribû bi îdiaya ‘propagandaya rêxistinê kiriye’ doz lê hat vekirin. Dadgehê ji Ozdemîr re di navbera salek û 5 salan de cezayê hepsê dixwaze. Her wiha heman doza propagandayê li du xizmên Ozdemîr jî hat vekirin.
Berzan Ozdemîr li navçeya Kamanê bi xizmên xwe Remzî û Serhat Ozdemîr re digeriyan ji ber ala Kurdistanê li ser tîşortê wî bû aliyê nijadperestan ve hatin lînckirin. Derbarê êrîşkan re de ji sûca ‘bi qestî birîndarkirin’ doz hat vekirin.
Li gorî îfadeyên êrîşkaran îdianame amade kirin
Dozgeriya Komarê ya Kirşehîrê lêpirsînê temam kir û di çarçoveya îfadeyên êrîşkaran de îdianame derbarê mexdûran de amade kir.
Derbarê Remzî, Serhat û Berzan Ozdemîr ên xizmên hev in de cuda cuda bi îdiaya ‘propagandaya rêxistinê kirine’ îdianame hat amadekirin. Ji ber ku ‘Ala Kurdistanê’ li ser tîşortê Berzan Ozdemîr bû wek ji aliyê PKK’ê ve tê bikaranîn hedef hat nîşandan û wek ‘qaşo parçeyek potik’ hat nirxandin.
Îdianeme ji aliyê Dadgeha Cezayê Giran a Kirşehîrê ve ve hat qebûlkirin û roja danişîna dozê ya ewil 18’ê tîrmehê hat diyarkirin. AMED
