HPG’ê têkildarî bombebarana balafirên şer ên artêşa tirk daxuyanî da û diyar kir ku bi balafirên şer bax û baxçeyên gundiyan bombebaran kirine
Navenda Ragihandin û Çapemeniyê ya HPG’ê li ser bombebaranên balafirên şer ên dewleta tirk daxuyaniyeke nivîskî weşand.
Di daxuyaniya HPG’ê de wiha hat gotin: “Balafirên şer 20’ê çileyê saet di 14:30’an de derdora gundê Surya yê herêma Heftanînê û 21’ê çileyê saet di 20:30’an jî Girê Zendura yê li herêma Metînayê bombebaran kirin.” Di daxuyaniyê de hat ragihandin ku bax û baxçeyên gundiyên Suryayê ji ber bombebaranê zirar dîtine û hat diyarkirin ku tu zirar negihaştiye hêzên wan ên gerîla. BEHDÎNAN
