Balafirên şer ên artêşa tirk a dagirker gundên Zaxo û Amediyê bombebaran kirin. Têkildarî encamên bombebaranê agahî nehatin bidestxistin
Êrîşên artêşa tirk a dagirker ên li dijî başûrê Kurdistanê berdewam in. Li gorî agahiyên ji herêmê, balafirên şer ên dewleta tirk duh bi roj çend caran ser hev gundê Şeraniş ê Zaxo ya Duhokê bombebaran kirin.
Çavkaniyên ji herêmê da zanîn ku dengê bombebaranê li gelek gundên din jî hatiye lê ji ber bombebarana dijwar nekarîne ji herêmê agahiyan bigirin. Çavkaniyeke ji gundê Dêrşîş ê herêma Berwariyan a Amediyeyê jî diyar kir şevê din heya saetên dereng jî balafirên şer ên dewleta tirk bênavber bombe li gund û derdora wê barandî ne.
Têkildarî encamên êrîşê tu agahî nehatin bidestxistin. ZAXO
