Artêşa tirk şandina çeteyên girêdayî xwe yên li Sûriyeyê ya ber bi Lîbyayê ve bênavber didomîne. Li gorî nûçeya ANHA’yê, çavkaniyeke pêbawer ê li Efrînê da zanîn ku dewleta tirk hezar û 500 çeteyên din ji kantona Efrînê ya dagirkirî ber bi Lîbyayê ve şandin.
Çavkaniyê destnîşan kir ku dewleta tirk koma çeteyan duh ji Efrînê şand. Li gorî raporên çapemeniyê û daxuyaniyên Artêşa Nîitimanî ya Lîbyayê, dewleta tirk zêdetirî 5 hezar çete şandine Lîbyayê da ku li kêleka hêzên hikûmeta Wîfaqê ku Tirkiye û Qeter piştgiriyê didinê, şer bikin. ŞEHBA
