Dewleta tirk a dagirker û çeteyên wê li herêmên dagirkirî guhartina demografîk û koçberkirina şêniyan ji gundên wan bi dare zorê didomînin da ku gund bikin baregehên leşkeri û dagirkeriya xwe mayinde bikin.
Sûcên bi vî rengî li herêmên dagirkirî bênavber didomin, vê carê jî gundê Nasiriyêyê nêzî bajarokê Şergirakê ya girêdayî kantona Girê Spî ye.
Li gorî nûçeya Ajansa ANHA’yê ku ji çavkaniyên herêmê girtiye, dewleta tirk a dagirker û çeteyên wê şêniyên gundê Nasiriyê ji gundê wan derdixin da ku gund bikin baregehên leşkeri.
Çavkaniyan diyar kir ku dewleta tirk a dagirker û çeteyên wê gelek şêniyên gund ji gund derxistine û yên mayî jî derdixin.
Her wiha çavkaniyan da zanîn ku gundî neçar in ji gund derkevin û wiha gotin: “Ger em ji gund dernekevin, dê çarenûsa me kuştin, girtin û revandin be.” GIRÊ SPÎ
