Li gorî nûçeya Ajansa ANHA’yê ku ji çavkaniyê herêmê wergirtiye, artêşa tirk a dagirker û çeteyên girêdayî wê li Girê Spî girekî dîrokî wêran kirine. Çavkaniyê diyar kir ku Girê Dehlîz ê bi 30 kîlometre dûrî bajarokê Silokê hatiye rastkirin û beriya çend rojan hinceta avakirina noqteya leşkerî li ser gir ew gir hatiye wêrankirin û nêzbûna sivîlan hatiye qedexekirin.
Li aliyekî din jî girê Heşîşa yê 25 kîlometre dûrî bajarokê Silokê ye hat rastkirin. Ew gir li rêya di navbera kantona Girê Spî û bajarê Serêkaniyê de ye.
Çavkaniyan mehên borî daxuyandibûn ku girê Sehlan a dîrokî yê li nêzî gundê Xirbet Riz e yê girêdayî Girê Spî yê dagirkirî jî hatiye rastkirin.
Artêşa tirk a dagirker û çeteyên wê bê navber cihên dîrokî yên girîng bi hedefa çewistandina mîrasa çand û şaristaniya gelên herêmê wêran dikin. Her wiha gelek cihên dîrokî yên navdar ên li kantona Girê Spî mîna bajarê Fara û Girê Sebî El-Ebyed ê li bajarokê Hemam Turkmen rast kirin û wêran kirin.
Her wiha tiştên dîrokên ên li wan girên ku ji aliyê dewleta tirk ve hatine wêrankirin, ji aliye çeteyan ve tên dizîn. EYN ÎSA
