Balafirên artêşa tirk çiyayê Botê yê li herêma Barzan bomberbaran kir. Di bombebaranê de welatiyê bi navê Kazim Elî hate qetilkirin
Komkujiyên dewleta tirk ên li başûrê Kurdistanê berdewam in. Li gorî agahiyan, balefirên şer ên dewleta tirk îro li Çiyayê Botê yê herêma Barzanê ya Hewlêrê bombebaran pêk anî. Hat zanîn ku di encama bombebaranê de welatiyê bi navê Kazim Elî (50) dema ku pancar kom dikir, hate qetilkirin.
Li gorî agahiyan, artêşa tirk îro saet di 12.00’an de balefireke keşfê ya dewleta tirk li nêzî gundê Berê Qer ê di navbera Amêdiyê û Qadişê de kete xwarê. Sedema ketina balafira artêşa tirk nehat zanîn.
Têkildarî mijarê çavkaniyên ji herêmê agahî dan û destnîşan kirin ku ji bo ku sedema ketina balefira keşfê neyê tespîtkirin, balefirên şer sê caran li qadê xistine. Şahidan ragihand ku balefira keşfê gelekî mezin bû û heta niha balefireke keşfê ya ewqas mezin nedîtine.
Hate diyarkirin ku ji bo cure û welatê balefira keşfê neyê fêmkirin, balefir hatiye îmhakirin. BEHDÎNAN
