Balafirên şer ên dewleta tirk di van kêliyan de navenda Serêkaniyê bombebaran dikin
Tevî agirbesta di navbera DYA û dewleta tirk a ji bo sekinandina êrîşên dagirkeriyê yên dewleta tirk ên li dijî rojavayê Kurdistanê, dewleta tirk êrîşên xwe yên li dijî Rojava qet nesekinandin. Di vê çarçoveyê de li hêlekê bênavber komên çete sewqî Serêkaniyê dike û hem jî çekên giran derbasî navçeyê kirin.
Li gorî agahiyên dawî, artêşa tirk a dagirker û çeteyên wê agirbest ji saeta ku hatiye ragihandin binpê kirin û di van kêliyan de jî balafirên şer ên artêşa tirk a dagirker bi koordîneya balafirên keşfê, bajarê Serêkaniyê bombebaran dike.
Têkildarî encamên bombebaranê agahî nehatin bidestxistin. SERÊKANIYÊ
