Navenda Nûçeyan |
Ev zêdeyî 2 sal in şîrketên dewleta tirk, bi hevkariya artêşa tirk û cerdevanan daristanên herêma Behdînanê dibirin û talan dikin. Li gorî nûçeya Ajansa Rojnewsê li gel dizîna darên başûrê Kurdistanê, vê carê dewleta tirk li herêmê dest bi dizîna dewlemendiyên binerd kiriye.
Çavkaniyên herêmî ragihandin ku li herêma Zaxoyê di derdora 40 seyareyên barhilgir ên bê plaka yan jî plakayên wan hatine veşartin, amûrên pêşketî yên derxistina maden û birîna daran radikin, li gundan digerin û dewlemendiyên binerd ên li herêmê derdixin.
Çavkaniyên herêmî ku navê kompanyaya tirkî ya van karan dike bidest neket ragihand, li gundê Minînê ku dikeve nêzî gundê Bêrsivê bi pere zevî ji cotyaran digirin û bi amûrên modern maden derbixin. Hate gotin ku piştî maden ji wir derdixin derbasê cihek bi navê Avagenê dikin û li wir piştî ku bi amûrên cûdatir ji hev derdixin, ji wir jî bi wesayîtên taybet ên bê plaka derbasê Tirkiyeyê dikin.
Xelkê herêmê diyar kirin ku tevî nerazîbûnên raya giştî ya kurd û jîngehparêzan hîn jî li devera Kanya Xema, (Bankê û Keşanê) û li Şabanê dar tên birîn û ji bo Tirkiyeyê tên şandin.
