Pisporê kar û barê Iraqê Salar Mehmud li ser êrîşên dewleta tirk ên ser xaka başûrê Kurdistan û hedefgirtina hêzên Iraqê, axivî.
Li gorî Salar Mehmud dewleta tirk di êrîşên xwe yên li ser Başûr de binketiye û got ku binketin jî xwe dispêre beşek ji binketinê Tirkiyeyê yên li Sûriye, Lîbya û cihên din û ji ber vê jî Tirkiye êrîşê cihên geştiyariyê dike, xelkê sivîl û hêzên Iraqê dike hedef.
Pisporê kar û barê Iraqê Salar Mehmud di dewama axaftina xwe de bal kişand ser bêdengiya aliyên başûrê Kurdistanê ya hemberî êrîşên dewleta tirk û wiha got: “Şêwazek bêdengiyê li Kurdistanê heye ku ew ne bêdengiye bi maf e. Ji ber ku me dît xwîna pêşmerge û gerîlayan bi bombebarana balafirên şer ên Tirkiyeyê re rijiya. Yanî dewleta tirk cûdahiyê naxe nava pêşmerge û gerîlayan de. Ev jî rastiya wan êrîşên dewleta tirk dike ye. Ji bo wê nabe tu aliyek di vê mijarê de xwe weke bê alî bibîne.”
Di dawiyê de jî Salar Mehmud bal kişand ser helwesta Iraqê ya li dijî êrîşa balafirên tirk a li ser hêzên Iraqê û axaftina xwe wiha bi dawî kir: “Tevî Iraq bi daxuyaniyan helwesta nîşan dide lê bandora li ser raya navnetewî çêkiriye. Pêwîst e hêzên kurdistanî jî xwedî rolek zêdetir bin û daxwaz bikin da ku êdî binpêkirin hemberî Herêma Kurdistanê neyê kirin.” SILÊMANÎ
