Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişanê îşxalî de eşkerayîyêke daye. Eşkerayîye wina ya:
“Destpêkê hêrişanê îşxalî ra nata gerîlayê azadîye yê Kurdistanî bi xoverdayîşêkê tarîxîyî, binê şertanê tewr zehmetan de zî şerê pawitişî yê meşrûyî rê dewam kenê û derbanê giranan danê îşxalkeran ro. Artêşa tirke rixmê îmkan û teknîkê xo zî pê xoverdayîşê gerîlayan nêeşkena coka kena ke pê metodanê vera merdimatîye biresa hedefê xo. Rixmo ke sûcê ci yê vera merdimatîye û şerî ameyî belgekerdene artêşa îşxalkere bi hawayêkê bêmabênî konseptê şuxilnayîşê çekanê kîmyewîyan rê dewam kena.
Çarçewa Hemleya Şorişgêre ya Bazanê Zagrosî de, herêma Zapî de;
2ê teşrîna peyêne de Warê Xoverdayîşî yê Çemçoyî de hêzanê ma da îşxalkeran ro û 1 îşxalker ceza kerd.
2ê teşrîna peyêne de Warê Xoverdayîşî yê Sîda de, mewzîyanê Şehîd Felatî de 1 kameraya mobese ya îşxalkeran ameye îmhakerdene.
Hêrişê ke artêşa îşxalkere pê bombayanê qedexekerdeyan û çekanê kîmyewîyan kerdê;
2ê teşrîna peyêne de mewzîyê Şehîd Bahozî yê Warê Xoverdayîşî yê Çemçoyî, mewzîyê Şehîd Agirî û mewzîyê Şehîd Felatî yê Warê Xoverdayîşî yê Sîda dîyayî bombayan ver û tîya de îşxalkeran dûyê jehrînî pê aspîrîtoran verdayî zereyê mewzîyanê şerî.
Hêrişê bînî yê artêşa îşxalkere
2ê teşrîna peyêne de warê Golka û Gendê Beşîlî yê Metîna, warê Goşinê û Girê Biharî yê Xakurkê û Warê Xoverdayîşî yê Çemço, Girê Cûdî û Girê FMyî dîyayî bombayan ver.” BEHDÎNAN
