Hêrişê dewleta tirke ya îşxalkere yê vera Herêma Şehîd Delîlî ya Rojawanê Zapî di serrî yo bi hawayêkê bêmabênî dewam kenê.
Hêzê dewleta tirke par zimistan de seba ke hîna zaf derban mewerê neçare mendbî ke waran ra xo apey biancê.
Narey hêzanê îşxalkeran seba ke herême de cabidê xo muracatê PDKyî kerd. Dewleta tirke ya îşxalkere armanc kena ke pê destekê PDKyî herême de baregehanê neweyan awan bikera.
Artêşa tirke bi taybetî pê destekê PDKyî wazena ver bi mewzîyanê gerîlayan rayîran viraza. Goreyê agahîyanê ke ameyê girewtene dewleta îşxalkere armanc kena ke nê rayîran ra kepçeyan bera û mewzîyanê gerîlayan birijna.
Dîmenê ke herême de ameyê qeydkerdene mojnenê ke dewleta tirke senî rayîran virazena û PDK zî beno hemkarê sûcanê ci.
Ancî perdeyê ke artêşa tirke seba ke çalakîyanê gerîlayan ra xo bipawa viraştê bale ancenê.
Endamê Komîteya Rayberdişî ya PKKyî Murat Karayilanî roportajêkê xo de derheqê îxanetê PDKyî de nê çîyî ardbî ziwan:
”Di hetê awa Zapî zî destê gerîlayan de yê. Dişmenî 2 serran o Zap de mewzîyêke zî nêviste destî! Dişmen her roje kişteyan dano la ney nimneno. Dewleta tirke emser pê destekê PDKyî wazena îşxalê xo ser bivisna. Çend rojî verî leşkerê tirkî bi destekê PDKyî Sêgir de cabîyî. Seba ke embazê ma nêwazenê bidê PDKyî ro dewleta tirke hêverî hêzanê PDKyî şawena ke cabida xo. Dewleta tirke qelsîya xo ra wina têgêrena û wazena ke bi nê kerdişan birakûjî veja. Wa rayaumûmîye manaya nê serebûtan şirove bikera.”BEHDÎNAN
