Teyareyanê şerî yê artêşa tirkî vizêr Başûrê Kurdistanî de Reşawa ya pabesteya herêma Deralokî bobardûman kerdî û netîceyê bombardûmanî de 4 hemwelatîyî cuya xo vindî kerdî û 2 zî birîndar bîyî. Bombardûman de sivîlî ameyî qetilkerdene.
Goreyê çimeyanê cayîyan teyareyanê şerî yê artêşa Tirkî vizêr cemê şandî Reşawa ya pabesteya herêma Deralokî yê Amêdîyê yê Başûrê Kurdistanî ke serê Dihokî yo hedef girewte. Goreyê malumatê ke tewr peynî ame herînayîş, netîceyê bombardûmanê 3 saetan de 4 hemwelatîyî cuya xo vindî kerdî û 2 zî birîndar bîyî. Hemwelatîyê ke ameyî şehîdkerdiş ameyî definkerdiş.
Nameyê sivîlê ke şehîd bîyî wina yo: Azad Şahîn, Azad Mecîd Seyfo, Rêdar Mihemed Tahîr û Wahîd Ebdulqadir. Cenazeya di şehîdan zî hema cayê hedîse de ya. Seba ke herême de hema zî bombardûman dewam keno, malumatê derheqê 4 şehîdan bi temamî nêameyo raşkerdiş. Tena cenazeya di hemwelatîyan resaya Dêralikî û yê di kesê bînan ke yeno vatiş ê zî şehîd bîyî hema cayê hedîse de ya. BEHDÎNAN
