Hêzên artêşa tirkî ya dagirker û komê girêdayeyê aye dewa Dibişê ya pabesteyê Zîrganê de 3 hemwelatijê sivîlan badê ke destê înan peynî ra girê dayî înan înfaz kerdî
Dewleta tirkî ya dagirkere û çeteyê girêdayeyê aye yê sey El Nusra, DAIŞ û OSOyî 9ê Teşrîna Verêne ra nata vera rojawanê Kurdistanî de hêrişanê qirkerdişî pê anî. Hêzê dagirkerî ke heme şertanê adirbirnayîşî binpay kenî bi çekanê kîmyewîyan raşteyanê sivîlan bombardûman kenî. Hêzê dagirkerî kiştiş, remnayîş û talankerdişî ra bigêrên heta her tewit kerdiş û caardişanê teberê merdimîye vera rojawanî de pê anî.
Hêzên artêşa tirkî ya dagirker û komê girêdayeyê aye nika zî dewa Dibişê ya pabesteyê Zîrganî ya Serêkanîyê de sucê merdimîye kenî. Goreyê xeberanê ke dewa Dibişê ra ameyî dagirkerî dewe dagir kerdî. Ame zanayene ke şervanê HSDyî dima ra dewe dagirkeran ra xelisnayî.
Çimeyê herême dayî zanayene ke şervan şîyî dewe û vînayî ke komê çeteyan dewa Dibişê de 3 hemwelatijê sivîlan badê ke destê înan peynî ra girê dayî înan înfaz kerdî û cenazeyanê înan mîyanê arazî de verdayî. SERÊKANIYÊ
