Dewleta tirkî çeteyanê xo derbazê Serêkanîyê kena û eynî wext de hêrişê şervananê HSDyî kena. Sewbîna artêşa tirkî û çeteyê aye dewa Şewarxa ya Şera bombardûman kena
Vizêr mabenê DYA û Tirkîye de pêkerdişêk ameybî kerdene. Goreyê pêkerdişî do mabenê wirdî hetan de adirbirnayîş pê biameyêne. Labelê dewleta tirkî hema zî hêrişanê xo dewam kena.
Goreyê xeberanê ANHAye, artêşa tirkî ya dagirkere dewa Elokê ya rojhelatê bajarê Serêkanîyê ra çeteyanê xo derbazê Serêkanîyê kena. Eynî wext de zî hêrişê şervananê HSDyî kena. Şervanê HSDyî heta nika cewabê hêrişan nêdayî û goreyê adirbirnayîşî têgêrenî. Rewşe ra dîyara ke artêşa tirkî ya dagirkere û çeteyê aye adirbirnayîşî binpay kerdî.
Artêşa dagirker dewa Şera bombardûman kena
Heto bîn ra artêşa tirkî ya dagirkere û çeteyê girêdayeyê aye dewa Şêwarxa ya qezaya Şera ya kantonê Efrînî bo obusan bombardûman kena.
