Dewleta tirkî badê hêrişê dagirkerî daye destpêkerdene hewl dana ke weşanê ANHA asteng bikera. Qewimîyayîşan ra dima ANHA xebere pare kerde û daye zanayene ke ê hêrişan vera nika nêeşkenê fotograf û dîmenan pare bikerî
Destpêkerdişê hêrişanê dagirkerî yê dewleta tirkî û komê çeteyan yê girêdayeyê aye ra dima dewleta tirkî hewl dana ke Ajansê Xeberan yê Hawar (ANHA) ke qewimîyayîşanê herême gam bi gam resnena şar asteng bikera.
Derheqê babete de ANHA hesabê xo yê medyaya komelkî de nê malumatan daye: “Dewleta tirkî ya dagirker seba ke qetlîyamê ke vakur û rojhelatê Sûrîye de kena nêrî vînayene û eşnawitene hewl dana ke weşanê ma asteng bikera. Nêwazena ke sucê merdimîye aşkera bibî. Ekîbê ma hewl danî ke no problemî çareser bikerî.” QAMIŞLO
