Dewreya Perwerdeyê ya Şehîd Rohat a Hêzên Taybet, bi merasîmekî bi dawî bû. Di merasîma bidawîkirina dewreyê de fermandaran girîngiya rola HAT’ê ya di bêbandorkirina şaneyên veşartî yên DAIŞ’ê de bi bîr xist
Akademiya Navendî ya Şehîd Rojhat a Hêzên Taybet (HAT) ku girêdayî Hêzên Ewlekariya Hundirîn a Bakur û Rojhilatê Sûriyeyê ye, bi merasîmekê dewreya perwerdeyê ya Şehîd Rohat a HAT’ê bi dawî kir.
Di dewreyê de ku 6 mehan dom kir, waneyên leşkerî û ramanî hatin dayîn. Îro bi armanca qedandina dewreyê, merasîmek hat lidarxistin. Endam û fermandarên Hêzên Taybet ên Hêzên Ewlekariya Hundirîn (HAT) jî di merasîmê de amade bûn.
Piştî torane leşkerî, ji fermandarên hêzên taybet Baran Çavreş û Tolhildan Qamişlo axivîn û rola hêzên taybet a di şerê tunekirina DAIŞ û şaneyên vê yên veşartî de bi bîr xistin. QAMIŞLO
