Nê prosesî de ke weçînayîşanê herêmîyan rê tay mendo Şaredarîya Dêrsimî ya TKPyî tabloyê budçeya ameye û şîyayeyan sey pankartêke bînaya xo ra daliqna.
Tabloyê budçe yê 2023yî de eşkera beno ke deynê Şaredarîya Dêrsimî serra 2022yî de 92 mîlyon û 984 hezar û 544 lîra bibi la 2023 de di qat zêdîyayo û bîyo 183 mîlyon û 303 hezar lîra.
Goreyê tabloyî ameyeyê Şaredarîya Dêrsimî 2023 de teyna 188 mîlyon lîra bîyo la şîyaye 271 mîlyon lîra bîyo. DÊRSIM
