Koordînasyona DGH û DGKH’ê bi daxuyaniyeke nivîskî ragihand ku yekîneyên wan li Rezan a Amedê ji bo ku balê bikişînin ser tecrîda li ser Ocalan û grevên birçîbûnê, çalakî pêk anîn
Koordînasyona Tevgera Ciwanên Şoreşger (DGH) û Tevgera Jinên Ciwan ên Şoreşger (DGKH) ji bo ku balê bikişînin ser tecrîda li ser Rêberê Gelê Kurd Abdullah Ocalan, grevên birçîbûnê û rojiya mirinê, li Amedê çalakî pêk anîn. Der barê mijarê de Koordînasyona DGH û DGKH’ê daxuyaniyeke nivîskî weşand.
Di daxuyaniyê de koordînasyonê diyar kir ku yekîneyên wan ên tolhildanê yên Şehîd Zulkuf Gezen û Ayten Beçet, ji bo ku balê bikişînin ser tecrîda li ser Ocalan û grevên birçîbûnê yên li girtîgehan, li taxên cuda yên Rezan a Amedê çalakî pêk anîn. DGH û DGKH’ê daxuyand ku bi bombeyên deng û bi fîşekên hewayî rê girtine û çalakiyên stîckerê pêk anîne.
Daxuyaniya Koordînasyona DGH û DGKH’ê ya têkildarî çalakiyan wiha ye: “Di 4’ê gulanê saet di 20.30’an de li Rezan a Amedê yekîneyên me bi bombeyên deng û fîşekên hewayî rê girtin. Piştî çalakiyê dijminê dagirker qad dorpêç kir. Yekîneyên me bêyî ku ziyanek bigihijê ji qadê vekişiyan. Di rojên cuda yên di meha gulanê de yekîneyên me li navçeyên cuda yên Amedê ji bo ku balê bikişînin ser tecrîda li ser Rêber Apo, çalakiya stîckerê pêk anîn.” AMED
