Tevgera Ciwanên Şoreşger bi daxuyaniyeke nivîskî ragihand ku yekîneyên wan di dîrok û cihên cuda de ji bo rakirina tecrîda girankirî ya li ser Rêberê Gelê Kurd Abdullah Ocalan gelek çalakî pêk anîne
Koordînasyona Tevgera Ciwanên Şoreşger (DGH) bi daxuyaniyekê nivîskî da zanîn ku hêzên wan ji bo şermezarkirina tecrîda girankirî ya li ser Rêberê Gelê Kurd Abdullah Ocalan, li gelek bajarên cuda yên li Tirkiyeyê û li Amedê çalakî li dar xistine.
Di daxuyaniyê de DGH’ê da zanîn ku di 20’ê sibatê saet 01.00’an de yekîneya wan a tolhildanê ya Şehîd Harûn Serhed li navenda Denîzliyê marketek şewitandiye. DGH’ê diyar kir ku di çalakiyê de xisareke mezin çêbûye. Di berdewamê de jî DGH’ê destnîşan kir ku yekîneya wan a tolhildanê ya Şehîd Baran Mawa di 19’ê sibatê saet 04.00’an de li navçeya Osmangazî ya Bursayê, wesayîteke bazirganiyê ya kesê bi navê G.K. şewitandiye.
DGH’ê destnîşan kir ku di 24’ê sibatê de yekîneya wan a tolhildanê ya Şehîd Baran Mawa li sîteya Îkîtellî Kerestecîler a Başakşehîr a Stenbolê atolyeyeke hilberîna mobîlyayê şewitandiye. Daxuyanî wiha bi dawî bû: “Di 24’ê sibatê saet 02.00’an de yekîneya me ya Şehîd Firat Zîlan li taxa Yenî Mahalleyê, kargeha Oto Demîr a malzemeyên înşaetê, hesin û çîmento difirot şewitand. Di vê çalakiyê de xisareke mezin di atolyeyê de çêbû. Di heman rojê de yekîneya me ya Şehîd Nazelîn jî li navçeya Konak a Îzmîrê depoya kargehekê bi temamî şewitand. Herî dawî jî yekîneya me ya tolhildanê ya Şehîd Serhildan Garzan li navçeya Rezan a Amedê di demên cuda de dirûşm li ser dîwaran nivîsîn.”
