Şervanên HSD’ê li Serêkaniyê derbên giran li hêzên dagirker dan. Di encama şerê giran de 7 çeteyên dagirker hatin kuştin, panzêrek hate rûxandin û balafireke keşfê jî hate xistin
Şervanên Hêzên Sûriyeya Demokratîk (HSD) berxwedana xwe ya li dijî hêzên dagirker ên dewleta tirk û komên çete yên girêdayî wê ya li rojavayê Kurdistanê berdewam in. Şervanên HSD’ê bi taybet jî li Serêkaniyê û Girê Spî derbên giran li hêzên dagirker ên dewleta tirk didin.
Li gorî agahiyên ji herêmê, şervanên HSD’ê li herêma pîşesazî ya Serêkaniyê derbên giran li artêşa tirk a dagirker û çeteyên wê dan. Hat zanîn ku di encama şerê giran de 7 çeteyên dagirker hatin kuştin û panzêrek jî hate teqandin. Li çerxerêya Mîtanê jî şer giran e.
Çavkaniyên ji herêmê ragihand ku li bajarokê Til Helef a li rojavayê Serêkaniyê jî balafireke kefşê ji aliyê şervanên HSD’ê ve hate xistin. Hat ragihandin ku hem li Til Helef û hem jî li mezreya Micê ya rojhilatê bajarê Serêkaniyê şerekî giran didome. SERÊKANIYÊ
