Balafirên şer ên dewleta tirk şevê din gundên bajaroka Pişderê û Binarê Qendîlê bombebaran kirin. Di bombebaranê de 2 sivîl birîndar bûn
Balafirên şer ên dewleta tirk şevê din saet di 21.30’an de gundên Zêwke, Aliyereş û Kunemaryan ên bajarokê Pişder û Binarê Qendîlê bombebaran kirin. Di bombebaranê de 2 sivîl birîndar bûn.
Li gorî agahiyên ji herêmê, ji ber bombebaranê gelek ziyan bi bax û rezên gundiyan ket.
Hêjayî gotinêye ku duh êvarê saet di 17:00’an de jî balafirên şer ên dewleta tirk Geliyê Kanî Mazî yê bi ser bajaroka Çemankê ya Amêdiyê bombebaran kirin. Di bombebaranê de ciwaneke temenê wî 20 salî dema ku li ber dikana xwe bû bi giranî birîndar bû. Piştî ciwan rakirin nexweşxaneyê ji ber ku rewşa wî giran bû, li nexweşxaneyê jiyana xwe ji dest da. QENDÎL
