HPG’ê bi daxuyaniyekê ragihand ku hêzên wan ên YJA Starê li herêma Heftanînê li dijî hêzên artêşa tirk a dagirker çalakî pêk anîn û di encama çalakiyê de 7 leşkerên tirk hatine kuştin
Navenda Ragihandin û Çapemeniyê ya HPG’ê têkildarî çalakiyên hêzên wan ên YJA Starê yên li Heftanînê daxuyaniyeke nivîskî bi raya giştî re parve kir.
Daxuyaniya HPG’ê ya têkildarî mijarê wiha ye: “Di çarçoveya Pêngava Şoreşger a Cenga Heftanînê ya ku li Herêma Heftanînê ya Qadên Parastinê yên Medyayê didome de, hêzên me yên YJA Starê di 2’yê çile saet di 14.40’an de li dijî leşkerên artêşa TC’ê ya dagirker ku li Girê Konferansa Mezin bi cih bûbûn, çalakiyek pêk anîn. Di vê çalakiyê de derbeke serkeftî li kozika dijmin hate xistin û 7 leşkerên dijmin hatin kuştin. Piştî çalakiyê artêşa TC’ê ya dagirker bi desteka helîkoptêrên êrîşê, mirî û birîndarên xwe bi helîkoptêrên Skorskyê ji qadê dûr xistine. Hêzên me bi hevdemî li helîkoptêrên êrîşê reşandine û kirine ku helîkoptêr ji qadê dûr bikevin.”
Bombebarana li ser herêmê
Di berdewamê de jî HPG’ê ev agahî dan: “Di 2’yê çileyê de balafirên şer ên artêşa TC’ê ya dagirker qadên Kanûşka a Herêma Zapê ya Qadên Parastina Medyayê û qada Kartalê ya Herêma Avaşînê û qada Geliyê Pîsaxa ya herêma Heftanînê bombebaran kirin. Di encama êrîşê de ya li ser herêma Avaşînê du hevalên me şehîd bûn. Piştre dê agahiyên nasnameyê yên hevalên me yên şehîd bûn bi raya giştî re werin parvekirin.” BEHDÎNAN
