Li Fransayê di xwepêşandanên duh ên avhewayê û Êlek Zeran de bûyer derketin. Hat zanîn ku di çalakiyan de herî kêm 100 kes hatin binçavkirin
Li paytexta Fransa Parîsê duh hem Êlek Zer û dijberên reforma teqawîtê, hem jî yên ji bo avhewayê daketin qadan û xwepêşandan kirin.
Li paytex Parîsê li gorî polîsan 16 hezar kes, li gorî amadekaran jî derdora 40 hezar kes tev li xwepêşandanê bûn. Li bajarên Lyon, Strasbourg û Grenobleyê jî bi hezaran kes tev li xwepêşandanan bûn. Her wiha li bajarên Bordeaûx, Metz, Roûen, Nancy, Marsîlya, Toûrs, Angers, Bayonne û Caenê jî li gorî hejmarên fermî bi giştî 10 hezar kes ji bo avhewayê daketin qadan.
Lê belê li gorî amadekaran hejmara kesên tev li bûne ji hejmara ku polîsan aşkera kirine gelekî bilindtir e. Hem di çalakiyên Êlek Zeran hem jî yên ji bo avhewayê de bûyer qewimîn.
Li gorî walîtiya Parîsê di bûyeran de herî kêm 163 kes hatin zeftkirin û ji van 99 jê hatin binçavkirin. Hate ragihandin ku li qadên ku çalakî lê hatin qedexekirin zêdeyî 300 kes ji bo demeke kurt ji aliyê polîsan ve hatin girtin. PARÎS
