Navenda Nûçeyan
Di doza Ozgur Gundemê de li xwediyê rojnameyê Kemal Sancili, Midûrê Karê Nivîsê Înan Kizilkaya û Derhênera Weşana Giştî ya Nobedar Eren Keskîn li her yek ji wan 6 sal û 3 meh, li Derhênerê Weşanê Zana Kaya jî salek, 13 meh cezayê girtîgehê hat birîn.
Danişîna 4’emîn a doza sereke ya rojnameya Ozgur Gundemê ya bi KHK’ê hatibû girtin li Dadgeha Cezayê Giran 23’yemîn a Çaglayana Stenbolê hat lidarxistin. Hevseroka Giştî ya ÎHD’ê Eren Keskîn a wê demê Hevgerînendetiya Weşana Giştî ya Nobedariyê kiribû, Midurê Karên Nivîsan ê Rojnameyê Înan Kizilkaya, xwediyê rojnameyê Kemal Sancili û Gerînendeyê Weşana Giştî yê Rojnameyê Zana Kaya ji dozê bi îdiaya “Yekîtiya dewletê û tevahiya welat xera kirine”, “endamên rêxistinê ne” û “propaganda rêxistinê kirine” dihatin darizandin. Eren Keskîn û Înan Kizilkaya di danişînê de amade bûn û Kemal Sancili û Zana Kaya beşdarî danişînê nebûn.
Keskîn û Kizilkaya parastina xwe kirin. Piştre şandeya dadgehê biryara xwe eşkere kir. Dadgehê li Sancili, Kizilkaya û Keskîn bi îdiaya “endamtiya rêxistinê” li her yek ji wan 6 sal û 3 meh cezayê zîndanê birî. Dadgehê bi îdiaya “paropagandaya rêxistinê” salek û 13 meh jî cezayê zîndanê li Zana Kaya birî.
