Çeteyên DAIŞ’ê şevê din li Xaneqînê êrîşî noqteya leşkerî ya hêzên Heşdî Şeebî kir. Di encama êrîşê de 6 endamên Heşdî Şeebî hatin kuştin û 8 jî birîndar bûn
Êrîşên çeteyên DAIŞ’ê yên li ser herêma Xaneqînê didome. Di vê çarçoveyê de çeteyên DAIŞ’ê şevê din êrîşî noqteyeke hêzên Heşdî Şeebî ya li nêzîkê bîra petrolê ya li navçeya Xaneqînê kir. Piştî êrîşê di navbera çeteyên DAIŞ’ê û hêzên Heşdî Şeebî de pevçûn derket.
Li gorî agahiyên ji herêmê, di encama erîşê de 6 endamên Heşdî Şeebî mirin û 8 jî birîndar bûn. Nayê zanîn bê ka di encama şer de çend çete hatine kuştin an jî birîndar bûne. XANEQÎN
