Di 28’ê sibatê de li Girtîgeha Tîpa T ya Tarsusê 11 girtî sirgunî Girtîgeha Tîpa T a Aksarayê kirin. Li gorî agahiyan, dema ku girtî birin hem di rê de hatin îşkencekirin û hem jî li girtîgeha ku birinê hatine îşkencekirin. Hat zanîn ku hestiyên girtiyan hatin şikandin.
Yek ji van girtiyan jî Bişar Bîlen e. Bîlen di 6’ê adarê de dema bi birayê xwe Alî Bîlen re li girtîgehê hevdîtin kirî, behsa îşkenceyê kir. Alî Bîlen da zanîn ku dema birayê wî û hevalên wî hatin sewqkirin, îşkence lê hatiye kirin.
Têkildarî îşkenceya li Girtîgeha Tîpa T a Aksarayê jî Bîlen ev agahî dan: “Roja pêşî gardiyanan ji me xwest ku di dema jimartinê de em rabin ser pêyan. Me jî ev zexte qebûl nekir. Li ser vê yekê jî li me xistin. Di îşkenceyê de hestiyên min û hevalên min hatin şikandin. Dest û milê min şikestin. Lê tevî vê jî em nebirin revîrê. Em hemû xistin hucreyê. Nahêlin ku em bi hevalên xwe re bidin û bistînin. Em tu agahiyan ji hevalên xwe nagirin.” MÊRSÎN
