Jinên ciwan ên ku di roja duyem a Konferansa Ciwanan a Cîhanê ya Yekemîn de hatin ba hev, bi atolyeya ‘Bi Jin Jiyan Azadî Ber Bi Şoreşa Jinê’ nîqaşên curbecur kirin.
Jinên ciwan di destpêka atolyeyê de li ser azadiya jinê nirxandin kirin. Jinên ciwan diyar kirin ku ji bo civakek azad were avakirin, divê zihniyeta mêrê desthilatdar were ‘kuştin’.
Ciwanên ku beşdarî atolyeyê bûn, bal kişandin ser rol û mîsyona ku ji bo azadiya jinê, dikeve ser milê mêran.
Jinên ciwan ku ji rêxistinên cuda beşdarî konferansê bûn, gotin ku ew ê xwedî li fikrê jiyana azad derbikevin.
Li ser pirsa “Em çawa dikarin ji nû ve jiyana azad ava bikin” nîqaş hatin kirin. Di çarçoveya pêngava “Jin Jiyan Azadî Serbixe Azadî” de li ser rêbazên hevpar biryar hatin girtin.
