Li paytexta Endonezya Cakartayê lehî rabû. Li gorî agahiyên rayedaran, di encamê de 43 welatiyan jiyana xwe ji dest dan û 10 welatî jî winda ne
Li herêma Cakarta ya Endonezyayê bi destpêkirina sala nû re ji ber barana zêde lehî rabû. Li Endonezyayê piştî karesata lehiyê ya sala 2013’an ku bi dehan kesan jiyana xwe ji dest dabûn, ev karesat weke ji karesatên herî giran hat ragihandin.
Ji ber barana zêde ya dawiya salê li herêma Cakarta ya ku nifûsa xwe 30 milyon mirov e, hin tax di bin avê de man. Wesayît bi ser hev ve hatin û xisar li avahiyan bû. Li gorî rayedaran hejmara kesên jiyana xwe ji dest dan gihîşt 43 kesan. Der dora 10 kes jî winda ne. Nêzî 400 hezar kes jî hatin veguhestin û li stargehan hatin bicihkirin.
Av ji gelek herêman vekişiya û ji bo gelek herêman elektrîk ji nû ve hatin dayin. CAKARTA
