Hat diyarkirin ku di muzakereyên vê hefteyê de yên di navbera DYA û Talîbanê de ‘pêşketinên girîng’ pêk hatine. Lê herdu aliyan hêj hin astengiyên mezin çareser nekirine
Qasidê Lihevanînê yê Efganistanê yê DYA’yê Zalmay Halîlzad piştî muzakereyên 6 rojan ên li Katarê daxuyanî da yên ku bi Talîbanê re hatibû kirin. Halîlzad li ser twîtterê wiha got: “Hevdîtina li vê derê, li gorî yên berê baştir derbas bû. Li ser meseleyên bingehîn, me pêşketinên bi dest xist.”
Dîplomatê Amerîkayê diyar kir ku ji bo nîqaşkirina van muzakereyan dê vegere Efganistanê û ev agahî da:“Em ê vê pêngavê bidomînin û piştî demeke kurt em ê dîsa muzakereyan bidomînin. Gelek kêşe hene ku divê werin çareserkirin.”
Qasidê Amerîkayê diyar kir ku ji bo agirbesteke teqez a di nav Efganistaniyan de hêj peymanek nehatiye danîn.
Rayedarekî Talîbanê yê li Pakistanê jî ji AFP’ê re axivî û wiha got: “Li ser meseleyên girîng, lihevkirin hatiye kirin. Em bi pêş ve diçin, ji niha ve em gelekî bi pêş ve çûn.” DOHA
