Di 6 mehên dawî yên sala 2019’an de, li Herêma Kurdistanê 22 jin hatin kuştin û 32 jin jî dawî li jiyana we anîn. Her wiha 99 jin jî şewitîne û 58 jinan jî xwe şewitandine
Rêveberiya giştî ya têkoşîna li dijî tund û tujiya hemberî jinan a herêma Kurdistanê, rêjeya 6 mehên sala 2019’an a tund û tujiya hemberî jinan belav kir.
Li gorî rêjeyê, di nava 6 mehên sala 2019’an de, 22 jin hatine kuştin, 32 jinan dawî li jiyana xwe anîne. Hêjayî gotinê ye par jî 25 jin hatibûn kuştin û 41 jin jî dawî li jiyana xwe anîbûn.
Li gorî heman rêjeyê 99 jin şewitîne û 58 jin jî xwe şewitandine. Her wiha di nava 6 mehan de 47 bûyerên destdirêjiya ser jinan pêk hatine. Li gorî par îsal zêdetir doz hatine vekirin.
Li gorî vê;
Hewlêr: 5 jin hatin kuştin, 7 jinan xwe kuştin, 28 jin şewitîn, 18 jin xwe şewitandin. Her wiha 11 bûyerên destdirêjiyê pêk hatin.
Duhok: 7 jin hatin kuştin, 13 jin xwe kuştine, 21 jin şewitîne, 10 jin xwe şewitandine û 12 jin jî rastî destdirêjiyê hatine.
Silêmanî: 7 jin hatin kuştin, 11 jin xwe kuştin, 33 jin şewitîne, 17 jin xwe şewitandine û 16 jin jî rastî destdirêjiyê hatine.
Germiyan: Jinek şewitiye û 3 jin jî rastî destdirêjiyê hatiye.
Raperîn: 3 jin hatine kuştin, 11 jin şewitîne, 6 jin xwe şewitandine û 5 jî rastî destdirêjiyê hatine.
Soran: Jinek xwe kuştiye, 5 jin şewitîne û 7 jinan xwe şewitandine.
