Li Herêma Kurdistanê di nava du rojan de 2 jinan bi şewatê jiyana xwe ji dest dan
Li başûrê Kurdistanê rêjeya xweşewitandina jinan her diçe zêde dibe. Tenê di nava du rojan de 2 jin bedena xwe dan ber agir û jiyana xwe ji dest dan.
Li gundê Memkanî ya ser bi bajaroka Sengeserê ya ser bi Îradeya Raperînê jina bi navê (Ê.H) a 23 salî şewitî. Ji ber ku rêjeya şewata wê zêde bû, jiyana xwe ji dest da.
Li gorî şêniyên gund, jinê xwe bi xwe şewitandiye û piştî bûyerê rakirine nexweşxaneya Qeladizê, lê ji ber şewata wê zêdebû, sewqî nexweşxaneya Silêmaniyê kirin. Lê ji ber ku rêjeya şewata wê zêde bû jiyana xwe ji dest da.
Her wiha di 16’ê çileyê de li Çiwarqurne Berzî Yasîn Hemed a dayika zarokekê agir berda bedana xwe. Li gorî xizmên wê Berzî ducanî bû û di navbera wê û hevjînê wê de pirsgirêk hebû. Li gorî xizmên wê duh li nexweşxaneya Silêmaniyê jiyana xwe ji dest da. SILÊMANÎ
