Hate ragihandin ku di operasyoneke HSD‘ê ya li gundê Ebû Hemam ê Dêrazorê de şaneyek veşartî ya DAIŞ‘ê hate girtin û rêjeyek çek hatin desteserkirin
Li gorî nûçeya li malpera Hêzên Sûriyeya Demokratîk (hSD) hat weşandin, operasyona hSD‘ê ya li dijî şaneyên veşartî yên DAIŞ‘ê ya li gundê Ebû Hemam ê Dêrazorê bi beşdarîbûna zêdeyî 600 şervanan destpê kir.
Li gorî nûçeyê di encama operasyonê de 20 çeteyên DAIŞ‘ê hatin girtin. Her wiha 8 topên RPG, 7 hezar û 500 guleyên klaşînkov, bombeyên destan, telefonên bêtel û yên destan ketin destê şervanan. Hate ragihandin ku çeteyekî gule avêtin HSD‘ê û şer derket. Di encamê de çeteyê gule avêtî hat kuştin.
Li gorî nûçeyê ev şane ji êrîşên li ser bazara herîmî ya li gund ku di 7‘ê tîrmehê de pêk hatibû û di encamê de 7 zarok bûne qurbanî, berpirsyar e. QAMIŞLO
