Koma Pêngava Boykota Malên Tirkî ragihand ku di qonaxa nû de dê rêzefîlmên dewleta tirk jî boykot bikin. Endamê koma boykotê Rêbaz Faruq anî ziman ku li dijî boykotê eleqeyeke mezin a gel heye
Bi destpêkirina êrîşên dagirker û qirkirinê yên dewleta tirk a dagirker ên li dijî rojavayê Kurdistanê, li başûrê Kurdistanê kampanyayên boykotkirina malê tirkî hatibû destpêkirin. Kampanya her ku diçe berfirehtir dibe û derbekî giran li aboriya dewleta tirk tê xistin. Kampanya rastî eleqeyeke mezin a gel tê. Koma Pêngava Boykota Malên Tirkî ragihand ku boykota malên tirkî berdewam e û dê di qonaxa nû de boykotkirina rêzefîlmên tirkî jî hebin.
Endamê Koma Boykotê Rêbaz Faruq têkildarî pêngava boykotê axivî û wiha got: “Pêngava boykotkirina malên tirkî berdewam dike. Bêguman bandoreke vê boykotê çêbû û gel jî piştgiriya vê dike. Em ne li bendê bûn ku ew qas berfireh bibe. Lê asta niha cihê dilxweşiyê ye.”
Qonaxeke nû dan destpêkirin
Di berdewamê de jî Faruq qala şêwaza domandina kampanyayê kir û wiha bi dawî kir: “Me têkildarî boykotê qonaxeke nû da destpêkirin. Di vê qonaxê de boykota rêzefîlmên tirkî jî heye. Me îro broşurên têkildarî mijarê amade kirine. Em ê pêngava boykotkirina rêzefîlmên tirkî jî bidin destpêkirin.” HEWLÊR
