Xwendevanê Zanîngeha Çemçemalê ya girêdayî Silêmaniyê yê bi navê Mebest Ebas di roja jidayikbûna xwe de, 8 hezar pirtûk belavî xwendevanan kir. Xwendevanên zanîngehê Ebas pirtûkan danî ber derê zanîngehê û xwendevanan pirtûk ji xwe re rakirin.
Mebest Ebas li ser armanca çalakiya xwe ya pirtûk belavkirinê wiha got: “Ev 4 sal in ez vî karî dikim, sala yekem min 20 pirtûk pêşkêşî xwendevanên dibistanekê kir. Sala duyem min 500 pirtûk ên çîrokên zarokan di nava bazarê de belav kir. Sala sêyem a 2020’an min bi heman awayî 500 pirtûk bi ser malan belav kir. Îsal jî min 8 hezar pirtûk ji bo xwendevanên zanîngehê belav kir. Armanca min ew e ku ez ciwanan hişyar bikim. Ez dixwazim hemû ciwan di roja dayikbûna xwe de pirtûkan belav bikin û daran biçînin. Ez dixwazim di salên bê de pirtûkxaneyek li gund û hinek nexweşxaneyan de vekim.”
Çalakiya Mebest rastî eleqeyek mezin a xwendevanên zanîngehê hat û xwendevanan bê beramber ji xwe re pirtûk rakirin. ÇEMÇEMAL
