Li gorî daneyên fermî ên hikûmeta Iraqê di nava 4 rojên xwepêşandanên li bajarên cuda ên Iraqê heta niha 73 kes hatine kuştin.
Di nava kuştiyan de 6 polîs jî hene. Li gorî daxuyaniya saziyên tenduristiyê dê hejmara kuştiyan zêde bibe ji ber gelek birîndarên rewşa wan taluke hene.
Wekî tê zanîn roja înê Muqteda El Sedir banga istîfakirinê li hikûmeta bi serokatiya Adil Abdulmihdî kiribû û daxwaz kiribû ku hilbijartinên pêşwext di bin çavdêriya Neteweyên Yekbûyî de pêk werin.
Sedir di daxuyaniya xwe de wiha gotiye: ji bo ku hûn pêşiya xwînrijandina gel bigirin divê hikûmet dest ji kar berde û di bin çavdêriya Neteweyên Yekbûyî de hilbijartinên pêşwext bike, nabe ku em li hemberî ev kuştina tê kirin bêdeng bimînin.
