Seroka partiya neteweperest ÎYÎ Partî Meral Akşener di 28’ê cotmehê de serdana bajarê Sêrtê yê bakurê Kurdistanê kir. Dikandar Cemîl Taşkesen di dema vê serdanê de got “Zimanê me tê înkarkirin, nasnameya me tê înkarkirin, Kurdistan tê înkarkirin. Em li dijî vê ne. Cihê ku hûn niha lê ne Kurdistan e, lê belê li meclisê Kurdistan tê înkarkirin.”
Rojek piştî serdanê Taşkesen bi hinceta ku ketiye ber lêpirsînê hat binçavkirin.
Midûriyeta Emniyetê ya Sêrtê ragihand ku ji ber van gotinan li hemberî Taşkesen bi îdîaya ‘Propaganda rêxistinê kiriye’ ji aliyê Serdozgeriya Komarê ya Misricê ve lêpirsîn hatiye destpêkirin.
Hat ragihandin ku Taşkesen serê sibehê hatiye binçavkirin. SÊRT
