Nêweşxaneyê Taybetî yê Sanî Konukogluyî yê Dîlokî de serwîsê ciewnîyayîşê giranî de saetanê sere sibayî de teqayîşêk qewimîya. Netîceya şewatî ke badê teqayîş vejîya de 8 kesan dinyaya xo bedilnaye.
Ame vatene ke teqayîş rîyê aletê nefesgirewtişî ra vejîya. Walîtîye da zanayee ke badê teqayîşî 19 kesê ke serwîsê ciewnîyayîşê giranî de kewtêne înan ra 8 kesan dinyaya xo beidlnaye, 11 nêweşê bînî zî nêweşxaneyanê derûdorî de ameye cakerdene.
Nameyê kesanê ke dinyaya xo bedilnaye wina yê: “Mehmet Reşit Saydanoglu (75), Fethiye Kirca (78), Naciye Ulukutuk (56), Abdi Hamzaoglu (68), Elife Akgul (85), Okkaş Akbulut (69), Kahraman Taş (71) û Ali Saffet Kanpolat (64).” DÎLOK
